Saturday, February 13, 2016

Tagged Under:

താടി മാഹാത്മ്യം

By: mind waverings On: 8:19 PM
  • Share Post
  • ആൾക്കൂട്ടത്തിനിടയിൽ
    വ്യത്യസ്തനാവാൻ വേണ്ടിയാണവൻ
    താടി നീട്ടി വളർത്താൻ 
    തീരുമാനിച്ചുറപ്പിച്ചത്

    നീണ്ടു വളർന്ന അവൻറെ താടിയിൽ
    തീവ്രവാദിയെ
    ദർശിച്ചപ്പോൾ
    കത്തിക്കൊരുവൻ മൂർച്ചയേറ്റിയത്
    അവനൊട്ടറിഞ്ഞതുമില്ല

    ഒരിക്കലും വളരില്ലെന്ന് കരുതിയ
    താടിയിഴകളെ തഴുകിയിരുന്ന കഠാരയിൽ
    നിന്ന് ചോരയിറ്റു വീഴുമ്പോഴും

    പിറ്റേന്ന് പത്രങ്ങളിൽ
    തീവ്രവാദിയെന്ന തലക്കെട്ടിൽ അവനൊപ്പമവന്റെ താടിയും
    പ്രശസ്തമാകുമെന്നതായിരുന്നവന്റെ സംതൃപ്തി

    0 comments:

    Post a Comment