Tuesday, October 25, 2011

പേക്കോലം

By: mind waverings On: 1:43 AM
  • Share Post
  • കുനിഞ്ഞ് പെറുക്കണ്
    കൂനി ഇരിക്കണ്
    എന്തോ പുലമ്പണ് 
    പേക്കോലം...

    തുറിച്ച് നോക്കണ്
    നൃത്തം വെയ്ക്കണ് 
    തെരുവില്‍ അലയണ
    സ്ത്രീ രൂപം...

    ഒക്കത്തുണ്ടൊരു പാവക്കുട്ടി 
    തോളില്‍ വലിയൊരു തുണി സഞ്ചി 
    അതിന്നുള്ളിലോ മാലിന്യങ്ങള്‍ 
    നിറഞ്ഞു തിങ്ങി കവിയുന്നൂ.

    കണ്ടു രസിച്ചൂ,പറഞ്ഞു ചിരിച്ചൂ
    കല്ലെറിയുന്നൂ ചിലരവളെ 
    ദയനീയത തന്‍ നോട്ടമെറിഞ്ഞു 
    കടന്നു പോണൂ മറ്റു ചിലര്‍.... 

    കീറി പിഞ്ചിയ കുപ്പായത്തില്‍ 
    ചിലരുടെ നോട്ടമുടക്കുന്നൂ 
    വിടന്മാരില്‍ ചിലരവളുടെ മേനി 
    നോക്കി കുത്തി കീറുന്നൂ..

    നായകളെ പോലും കല്ലെറിയുന്നോരെ
    സംഘടനയുണ്ടേ  ശിക്ഷിക്കാന്‍
    എന്നാലോ തന്‍ സഹജീവികളെ 
    സംരക്ഷിക്കാന്‍ പഴുതില്ലാ...


    Tuesday, October 11, 2011

    ഉത്തരമില്ലാത്ത ചോദ്യങ്ങള്‍

    By: mind waverings On: 1:07 PM
  • Share Post


  • ഞാന്‍ നിന്നിലോരഭയം 
    തിരയുമ്പോള്‍
    നീ എന്നിലൊരിടത്താവളം 
    തേടുന്നുവോ?
    എന്‍റെ ലോകം മുഴുവന്‍ 
    നിനക്കായ് തീറു നല്‍കി

    പക്ഷെ നീ നിന്‍ ലോകം 
    എനിക്കെന്തേ പകുത്തു തന്നു?
    പ്രണയത്തിന്‍ നൌക 
    ഒരുമിച്ചു നാം തുഴയവേ
    നടുക്കടലില്‍ തനിച്ചാക്കി 
    വിട്ടകലുമോ?

    നിന്‍ കയ്യിലെ കേവലം 
    കളിപ്പാവയെന്നറിഞ്ഞു ഞാന്‍ 
    നിന്‍ ചരട് വലിയില്‍ നൃത്തം വെയ്ക്കാം
    എന്നാലെങ്കിലും നിന്‍ പ്രണയം 
    മുഴുവനായ് എനിക്കേകിടുമോ?
     നിന്നെക്കൂടാതില്ലെനിക്കിനി 
    ഏതു സ്വര്‍ഗ്ഗവും..

    നിത്യകാമുകി

    By: mind waverings On: 1:04 PM
  • Share Post



  • ഒരു നാള്‍ ഒരു ചാന്ദ്ര പ്രഭയില്‍
    അവനവളോട് പ്രണയപൂര്‍വ്വം 
    മിഴികളില്‍ നോക്കി മൊഴിഞ്ഞു
    "ഞാന്‍ എന്നും നിന്റേതു,
    നീയാനെനിക്ക് സര്‍വസ്വവും"
    അത് കേട്ടവള്‍ പറഞ്ഞു
    "എന്‍ പ്രിയനേ;എന്‍ പ്രേമം 
    എന്നും നിനക്ക് മാത്രം"..

    കാലചക്രം ഉരുളവേ
    ദിനരാത്രങ്ങള്‍ കൊഴിയവേ
    അവനവളെ മറക്കവേ,
    അന്നുമവളുടെമനം 
    മൊഴിഞ്ഞു കൊണ്ടേയിരുന്നൂ
    "എന്നില്‍ നിന്നെത്ര 
    ദൂരേക്ക്‌ നീ അകന്നാലും
    എന്‍ പ്രിയനേ എന്‍ 
    പ്രേമം എന്നും നിനക്ക് മാത്രം" 

    ഇന്നത്തെ ഓണം

    By: mind waverings On: 12:55 PM
  • Share Post

  • ഓണമെവിടെ ഉമ്മാ 
    ടീച്ചര്‍ പറഞ്ഞ ഊഞ്ഞാലും 
    ഓണപൂക്കളവും,ഓണപ്പന്തും
    ഓണപ്പൂവിളിയും മാവേലിമന്നനും
                                   എവിടെ ഉമ്മാ?
    എന്നെന്‍ മകള്‍ കൊഞ്ചി ഉത്തരം തേടുമ്പോള്‍ 
    അതിന്നുത്തരം തേടി ഞാന്‍ ഉഴറുന്നൂ 

    എന്തേ അവളോട്‌ ഞാന്‍ പറയേണ്ടൂ?
    തുണിക്കടയിലെ വന്‍ തിരക്കുകള്‍
    പച്ചക്കറിയുടെ വന്‍ വിലക്കയറ്റം 
    മദ്യഷാപ്പിലെ വന്‍ നിര
    മരവിച്ച മനസ്സാക്ഷി
    ഇതെല്ലാമാണ് കുഞ്ഞേ ഇന്നത്തെ ഓണമെന്നോ?

    അതോ 
        വന്‍ നഗരങ്ങളിലെ നിയോണ്‍ ലൈറ്റുകളും
        വഴിയോര വാണിഭക്കാരും
        വികൃത വേഷം കെട്ടിയ അഭിനവ മാവേലി മന്നന്മാരും 
         ഒന്ന് ഞെക്കിയാല്‍ വീട്ടിലെത്തുന്ന ഓണസദ്യയും 
         ഇതെല്ലാമാണ് മകളെ ഇന്നത്തെ ഓണഘോഷമെന്നോ? 

    എന്‍ മൌനം കണ്ടവള്‍ എന്നോട് പറയുന്നൂ
    ഓണമെന്നാല്‍ എനിക്ക് മനസ്സിലായി ഉമ്മാ 
    ഓണവധിയും ടി.വി.യിലെ ഓണ സിനിമകളും 
    പിന്നെ അവധിക്കാലത്ത്‌ സ്കൂളിലേക്ക് 
    ചെയ്യേണ്ടുന്ന ഗൃഹ പാഠവും പ്രൊജക്റ്റ്‌ടും
              ഇതെല്ലാം അല്ലേ ഉമ്മാ ഈ ഓണം???????????ണമെവിടെ ഉമ്മാ
    ടീച്ചര്‍ പറഞ്ഞ ഊഞ്ഞാലും
    ഓണപൂക്കളവും,ഓണപ്പന്തും
    ഓണപ്പൂവിളിയും മാവേലിമന്നനും
    എവിടെ ഉമ്മാ?
    എന്നെന്‍ മകള്‍ കൊഞ്ചി 

    ഉത്തരം തേടുമ്പോള്‍
    അതിന്നുത്തരം തേടി 
    ഞാന്‍ ഉഴറുന്നൂ

    എന്തേ അവളോട്‌ 
    ഞാന്‍ പറയേണ്ടൂ?
    തുണിക്കടയിലെ വന്‍ തിരക്കുകള്‍
    പച്ചക്കറിയുടെ വന്‍ വിലക്കയറ്റം
    മദ്യഷാപ്പിലെ വന്‍ നിര
    മരവിച്ച മനസ്സാക്ഷി
    ഇതെല്ലാമാണ് കുഞ്ഞേ 
    ഇന്നത്തെ ഓണമെന്നോ?
    അതോ
    വന്‍ നഗരങ്ങളിലെ 
    നിയോണ്‍ ലൈറ്റുകളും
    വഴിയോര വാണിഭക്കാരും
    വികൃത വേഷം കെട്ടിയ 
    അഭിനവ മാവേലി മന്നന്മാരും 
    ഒന്ന് ഞെക്കിയാല്‍ 
    വീട്ടിലെത്തുന്ന ഓണസദ്യയും
    ഇതെല്ലാമാണ് മകളെ 
    ഇന്നത്തെ ഓണഘോഷമെന്നോ?

    എന്‍ മൌനം കണ്ടവള്‍ 
    എന്നോട് പറയുന്നൂ
    ഓണമെന്നാല്‍ എനിക്ക് 
    മനസ്സിലായി ഉമ്മാ..
    ഓണാവധിയും ടി.വി.യിലെ
    ഓണ സിനിമകളും പിന്നെ 
    അവധിക്കാലത്ത്‌ സ്കൂളിലേക്ക് 
    ചെയ്യേണ്ടുന്ന ഗൃഹ പാഠവും 
    പ്രൊജക്റ്റ്‌ടും..
    ഇതെല്ലാം അല്ലേ 
    ഉമ്മാ ഈ ഓണം???????????