Tuesday, February 21, 2012

Tagged Under:

ഒരു മയില്‍‌പ്പീലി

By: mind waverings On: 8:52 AM
  • Share Post

  • ഇന്നലെ രാത്രിയില്‍ ഒരു മയില്‍ പീലി;
    നെഞ്ചോടമര്‍ത്തി ഞാനുറങ്ങി.
    നീ തന്നൊരാ മയില്‍പ്പീലി തണ്ടില്‍;
    ഞാനെന്റെ മോഹങ്ങള്‍ ഒളിച്ചു വെച്ചു.

    ആ തിരുമുടിയില്‍ നിന്ന് വാര്‍ന്നോരാ,
    മയില്‍‌പീലി എന്നിലെ മോഹം പകര്‍ന്നെടുത്തു.
    അന്ത്യയാമത്തില്‍ നീയെന്‍ കണ്ണാ;
    സ്വപ്നലോകത്തില്‍ വിരുന്നു വന്നു.

    മീരയായി നിന്റെ ഗാഥകള്‍ പാടി;
    മോഹഭംഗങ്ങളെ ഞാന്‍ അകറ്റി.
    എന്‍ സ്വപ്നവീഥിയില്‍ നിന്നകന്നാലും;
    അകതാരില്‍ എന്നും വിളങ്ങി നില്‍ക്കും..

    സ്വപ്നങ്ങളൊക്കെയും എന്നാളും സ്വപ്ന-
    മെങ്കിലും ഈ മയില്‍ പീലി നിത്യ സത്യം.

    1 comments:

    1. സ്വപ്നങ്ങളൊക്കെയും എന്നാളും സ്വപ്ന-
      മെങ്കിലും ഈ മയില്‍ പീലി നിത്യ സത്യം.

      ReplyDelete