മനസ്സാക്ഷി പ്രതിക്കൂട്ടില്‍

വിധി ന്യായ കോടതി;

മനസ്സാക്ഷി പ്രതിക്കൂട്ടില്‍,

കാലമെന്ന വക്കീല്‍,

എന്തിനാണെന്തിനാണ് നീ,

ആ പാപം ചെയ്തതെന്തിനെന്നു ചോദ്യം.

ഇല്ലില്ല ആ തെറ്റെനിക്ക് ശരിയായിരുന്നു,

അപ്പോളും ഇപ്പോളും എന്നുത്തരം.

എന്നാലും എന്തേ നീ അവന്റെ ;

വീക്ഷണം മനസ്സിലാക്കഞ്ഞതെന്തെന്നടുത്ത ചോദ്യം.

മനസ്സിലാക്കിയെങ്കിലും ആ വീക്ഷണത്തിലും;

കണ്ടെത്താനായില്ലൊട്ടുമേ ശരി.

എന്നാലും നിനക്കൊഴിവാക്കാമായിരുന്നില്ലേ ;

ആ മഹാപാപം എന്ന ചോദ്യത്തിനുത്തരം;

വന്നുടനെ;ഇല്ലില്ല ആ മഹാപാപമാണെന്റെ,

ഏറ്റവും വലിയ ശരി...