ചന്നം പിന്നം പൊഴിയും മഴയിലൂടെ ,
മുന്നോട്ടു പായുന്ന ബസ്സെന്ന ശകടം.
മുന്‍നിരയിലെ സീറ്റിലൊന്നില്‍,
രണ്ടു വനിതാരത്നങ്ങള്‍ക്ക് നടുവിലായ് ഞാനും.
പുറമേ ആഹാ കാഴ്ചകള്‍ മനോഹരം,
പച്ചപ്പാല്‍ നിറഞ്ഞ വഴിയോരദൃശ്യം.
മാവും പ്ലാവും നെല്ലിയും തെങ്ങും,
കൊന്നയും കവുങ്ങുമൊക്കെ ശുഷ്ക്ക ദൃശ്യം.
ഉണ്ടുണ്ട് വഴി നീളെ റബ്ബറിന്‍ മരങ്ങള്‍,
മതിയല്ലോ കാശ് കിലുക്കാന്‍ വേറൊന്നെന്തിന്‌.
കാര്‍ഷികവിളയില്‍ പ്രധാനി ഇവനെത്രേ,
വില്‍ക്കുമ്പോള്‍ കയ്യില്‍ കിട്ടുന്ന വിലയിലും മിടുക്കന്‍.
കണ്ണൊന്ന് ചിമ്മി അടഞ്ഞു പോയ നേരത്ത് ,
ശകടമൊന്നു ചാടി തുള്ളിക്കളിച്ചു.
എല്ലും മാംസവും വേര്‍പെട്ട് പോയപോല്‍,
തോന്നീ പെട്ടെന്ന് നല്ലൊരു വേദന.
അമ്യൂസ്മെന്റ് പാര്‍ക്കുകളില്‍ പോകാതെ പോലും,
ആസ്വദിക്കാം നമുക്കിന്ന് ബമ്പര്‍ റൈടുകള്‍.
ഹാ ഹാ എന്തെന്തു സുഖമാണിതൊക്കെ,
എന്നാലും ആവശ്യക്കാരന് ഔചിത്യമുണ്ടാകുമോ?
Wednesday, May 29, 2013
Subscribe to:
Post Comments (Atom)
അമ്യൂസ്മെന്റ് പാര്‍ക്കുകളില്‍ പോകാതെ പോലും,
ReplyDeleteആസ്വദിക്കാം നമുക്കിന്ന് ബമ്പര്‍ റൈടുകള്‍.
നടുവുളുക്കാതെ നോക്കണമെന്ന് മാത്രം