Sunday, November 9, 2014

Tagged Under:

ഓണച്ചിന്ത

By: mind waverings On: 4:29 AM
  • Share Post
  • ചിങ്ങമിങ്ങെത്തി മാളോരെ
    അത്തമൊരുക്കി,സദ്യയൊരുക്കി
    കോടിയുടുത്തിട്ടൂഞ്ഞാലാടി
    കൂട്ടരുമൊത്ത്‌ രസിക്കണ്ടേ
    അത്തമൊരുക്കാന്‍ പൂക്കള് വേണ്ടേ
    എന്നാല്‍ തന്നെ ഇന്നതെവിടെ
    ഉപ്പില്‍ ചായം പുരട്ടി നിരത്തിയാല്‍
    അടിപൊളി പൂക്കളം കെങ്കേമം
    പൂക്കളമിടുവാന്‍ മുറ്റമിന്നെവിടെ
    ഫ്ലാറ്റായില്ലേ വീടുകളൊക്കെ
    അതിനുള്ളിലെ ഇത്തിരി വട്ടം
    പൂക്കളിവിടെയെവിടെ നിരത്താന്‍
    സദ്യയോരുക്കാന്‍ പച്ചക്കറികള്‍
    തൊട്ടാല്‍ പൊള്ളും വിലയുണ്ടതിന്
    ഫ്രീയായി കീടനാശിനിയൊപ്പം
    ആരോഗ്യത്തിന് മാറ്റെകീടാന്‍
    ഓണക്കോടിയുടുക്കാന്‍ വേണ്ടി
    പോത്തീസ് പാര്‍ഥാസ് ഇത്യാദി
    കത്തിയുമേന്തി ചിരിച്ചു നില്‍പ്പയ്യോ
    പഴ്സിന്‍ ഭാരം താഴ്ത്താന്‍ വേണ്ടി
    ഓണാഘോഷം വീടുകളിലെന്തിന്
    സിറ്റിയിലാകെ വെടി പൊടി പൂരം
    കണ്ണഞ്ചിപ്പിക്കും നിയോണ്‍ വെട്ടവും
    വാണിഭമാന്യര്‍ തന്‍ പുതുമകളും
    ഊഞ്ഞാലാടാന്‍ മരമിന്നെവിടെ
    മരമുണ്ടെങ്കില്‍ തന്നെ നേരമിന്നെവിടെ
    ടീവിയില്‍ നിറയെ പാട്ടും കളികളും
    പിന്നെന്തിനായീ മേലനങ്ങി ഊഞ്ഞാലാട്ടവും തുമ്പിതുള്ളലും !!!

    0 comments:

    Post a Comment