Friday, February 20, 2015

Tagged Under:

അമ്മ

By: mind waverings On: 8:12 PM
  • Share Post
  • പൈതങ്ങളുടെ പൈ അടക്കുവാൻ
    ഉരിയരിക്കായ് ഊര് തെണ്ടി
    വിയർപ്പൊഴുക്കി വിശ്രമമില്ലാതെ
    അദ്ധ്വാനിച്ച് ആഹ്ലാദത്തോടെയാ അമ്മ
    അരി തിളപ്പിക്കാൻ പാത്രമില്ലാതലഞ്ഞ്
    മടിക്കുത്തിനു വിലപേശി,പാത്രമൊപ്പിച്ചത്
    ഗർഭപാത്രം ദാനം തന്നൊരാ കുരുന്നുകൾക്ക് വേണ്ടി
    എന്ന് സമാധാനിച്ചോരമ്മ
    അരി അടുപ്പിലാക്കാനൊരു തുണ്ട് വിറകിനായ്
    എത്രയോ തൊടികൾതോറുമലഞ്ഞു
    വിറകും ചുള്ളിയും ഉണക്കോലയും മടലും
    സ്വരുക്കൂട്ടിയതാണാ അമ്മ
    അടുപ്പിലായ അരിയുടെ പാകം നോക്കി
    വേവാകുവാൻ കണ്ണിലെണ്ണയൊഴിച്ചിരിക്കുമ്പോഴും
    മദ്യലഹരിയാൽ വന്നരിക്കലം തട്ടിത്തൂകുവാൻ
    താലികെട്ടിയ കാലമാടനെത്തുമെന്നു ഭയപ്പെടുന്നതുമമ്മ.

    0 comments:

    Post a Comment