അര്‍ജുമന്ദ് ബീഗമായ് പിറന്ന നിന്നെ,
മീന ബസാറില്‍ കണ്ട ഷാജഹാന്‍;
അഞ്ചാണ്ട് നിനക്കായ് കാത്തിരുന്നില്ലേ സഖീ,
ആ പ്രണയം പുഷ്പിതമാകുവാന്‍.
ഹാ,മുഗള്‍ രാജവംശത്തിലെ സൌന്ദര്യതേജസ്സേ!!
ഖുറമിന്‍ പത്നിമാരില്‍ ഏറെ പ്രിയപ്പെട്ടവളെ,
ചരിത്രം നിന്നെ വാഴ്ത്തിയത്;
നിന്‍ പ്രിയന്‍ തന്‍ പ്രണയം നിമിത്തമല്ലോ.
സുന്ദരിയായ അസുലഭ കോഹിനൂര്‍ രത്നമേ!!
നിനക്കായ് നിന്‍ പ്രിയതമന്‍ തീര്‍ത്തില്ലയോ,
വെണ്ണക്കല്ലാലൊരു പ്രണയ നികുഞ്ജം ;
ഒരിക്കലും മരിക്കാത്ത പ്രണയത്തിന്‍ സാക്ഷി.
പ്രിയതമന്‍ തന്‍ പതിനാല് മക്കളെ,
ജന്മം നല്‍കി അനുഗ്രഹീതയായവളെ;
ആ പ്രിയ പുത്രരില്‍ ഒരാള്‍ തന്‍ കയ്യാല്‍,
നിന്‍ നാഥനന്ത്യം കുറിച്ചത് ദൌര്‍ഭാഗ്യം തന്നെ സഖീ.
0 comments:
Post a Comment