സൂര്യനും ഭൂമിയും(ഭാഗം 2 )

ഹൃദയത്തിനുള്ളില്‍ ചിതറിത്തെറിച്ച്;

ഒളിച്ചിരുന്ന മോഹകണങ്ങളെ,

സ്നേഹച്ചൂടാല്‍ ബാഷ്പീകരിച്ച്‌,

അത് നിന്നിലെയ്ക്കാവാഹിച്ച്,

പിന്നെ അതിനെ മഴയായ്,

എന്നിലേയ്ക്ക് തന്നെ പെയ്യിച്ച്,

വീണ്ടും മോഹമൊട്ടുകള്‍ കിളിര്‍പ്പിച്ച്,

എന്നെ തലോടി ഉറക്കിയിട്ട്‌,

നീ അകലുന്നെന്നില്‍ നിന്നും;

വീണ്ടും ഒരു തിരിച്ചു വരവിനായി.

ഞാന്‍ ഉണരുമ്പോള്‍;

എനിക്കൊപ്പം നീ ഉണ്ടാവുമെന്നെനിക്കറിയാം ...