Saturday, June 30, 2012

Tagged Under:

കാട് കയറിയ ചിന്തകള്‍

By: mind waverings On: 12:38 PM
  • Share Post
  • അടച്ചിട്ട ജാലകങ്ങള്‍ക്കപ്പുറം,
    ഇരുള്‍ കൂടുകൂട്ടുന്നു.
    അതിനിപ്പുറം നിദ്ര എന്നില്‍ നിന്നെങ്ങോ,
    പിണങ്ങി മാറി ഒളിച്ചിരിക്കുന്നു.

    നിദ്ര ഒഴിഞ്ഞോരാ ശൂന്യതയില്‍,
    ചിന്ത ചങ്കൂറ്റത്തോടെ വിഹരിക്കുന്നു.
    അത് കൂര്‍ത്ത നഖവിരലുകളാല്‍,
    ഹൃദയത്തെ ചുറ്റിവരിയുന്നു..

    ജാലകം തുറന്നാ ഇരുട്ടിനെ,
    കൂട്ട് വിളിക്കാനും;
    പിണങ്ങിയകന്ന നിദ്രയെ,
    ഇണക്കിയെടുക്കാനും ആകാതെ ;
    ചിന്തയുടെ കരവലയത്തില്‍ ഞെരിഞ്ഞമരുന്നു.

    1 comments:

    1. ചിന്തകള്‍ അങ്ങനെയാണ്.
      കാലദേശസമയബോധമില്ലാതങ്ങനെ വിഹരിക്കും!
      ആശംസകള്‍

      ReplyDelete