Saturday, June 30, 2012

Tagged Under:

തീരവും തിരയും

By: mind waverings On: 12:31 PM
  • Share Post

  • എന്നില്‍ നിന്നകലാനുള്ള ത്വരയ്ക്കിടയിലും,
    ഓര്‍ക്കുക;നീ,
    തിരികെയണയുമ്പോഴും ഇവിടെയുണ്ടാകും,
    സ്നേഹത്തിന്റെ ചൂടും ചൂരും ഒട്ടുമേ ചോരാതെ.

    നൂറു നൂറു കാല്‍പാദങ്ങളെന്‍മേല്‍ പതിഞ്ഞാലും,
    ഉള്ളിന്നുള്ളില്‍ പതിപ്പിക്കില്ലൊന്നിനെയും.
    കാത്തിരിക്കുന്നു നിമിനേരമെങ്കിലും,
    നീയുമായുള്ളോരാ ചെറുസംഗമത്തിനായ്.

    കിട്ടാനിധികള്‍ തേടി നീ അകന്നാലും,
    കണ്ണെത്താദൂരം പോയ്‌ മറഞ്ഞാലും.
    തിരികെ എത്തുമ്പോള്‍ ചായാന്‍,
    അകളങ്കിത സ്നേഹവുമായുണ്ടിവിടെ ഞാന്‍.

    നിന്നിലുള്ള കാലുഷ്യങ്ങള്‍ എന്നില്‍ ചൊരിഞ്ഞു കൊള്‍ക,
    രോഷസംഹാരാഗ്നികള്‍ എന്നില്‍ തീര്‍ത്തു കൊള്‍ക.
    സഹിച്ചുകൊള്ളാം ഞാനതെല്ലാം സന്തോഷമായ്,
    നീ ഏകിയോരാ സ്നേഹത്തിനു പകരമായ്.
     

    1 comments:

    1. തിരയറിയുമോ തീരത്തിന്‍ ദുഃഖം?
      ആശംസകള്‍

      ReplyDelete