മകളേ,മാപ്പേകുക നീ

മകളേ ;മാപ്പേകുക നീ,
കാട്ടാളന്മാർ പിച്ചി ചീന്തിയ,
നിന്റെ നിഷ്കളങ്കതയെ,
സംരക്ഷിക്കാൻ ആകാതിരുന്നതിന്.

വെട്ടി അരിയുക നീ തന്നെ;
ആ കൈകളെ.
നിന്നിലെ മൊട്ടായ സ്ത്രീത്വത്തെ,
തല്ലി ക്കൊഴിച്ചതിന്.

കുത്തിക്കീറുക ആ കണ്ണുകളെ,
വർണ്ണങ്ങൾ കണ്ട് രസിച്ച,
കുപ്പിവളകളെ സ്നേഹിച്ച ബാല്യത്തിലേയ്ക്ക്,
കാമകണ്ണ് തുറിച്ചവരെ.

മറക്കാനാകുമോ നിനക്കെന്നെങ്കിലും,
നിന്നിലെയ്ക്ക് പുരുഷത്വത്തിന്റെ,
നാറുന്ന ഖഡ്ഗം ആഴ്ത്തിയവരെ,
ബാല്യകൌമാരങ്ങളെ തീച്ചൂളയിൽ കരിച്ചവരെ ?