Friday, February 20, 2015

Tagged Under:

തിരുത്തല്‍വാദി

By: mind waverings On: 7:56 PM
  • Share Post
  • എന്റെ തൂലികത്തുമ്പില്‍ നിന്നുതിരുന്ന മഷിയിൽ
    എനിക്കൊരല്‍പ്പംവിപ്ലവ വീര്യം ചേർക്കണം
    മനസ്സിനെ വിറളി പിടിപ്പിക്കുന്ന
    വാർത്തകളെ തിരുത്തി കുറിക്കുവാൻ
    രക്തത്തിന്റെ കണക്ക്‌ നോക്കാതെ പൊഴിക്കുന്നതും
    രക്തബന്ധം കണക്കു നോക്കാതെ കൊഴിക്കുന്നതും
    രക്തത്തിന് പകരം കണക്കുകൂട്ടി വീഴ്ത്തുന്നതും
    യുക്തിയോടെല്ലാമെനിക്ക് കണക്കു നോക്കാതെ തിരുത്തി കുറിക്കണം .
    വ്യക്തികള്‍ സദാ സമൂഹത്തെ പഴിക്കുന്നതും
    വ്യക്തി ബന്ധങ്ങള്‍ക്ക് തൃണവില കല്‍പ്പിക്കുന്നതും
    വ്യക്തതയില്ലാതെ അന്യനില്‍ സംശയാലുവാകുന്നതും
    ശക്തിയോടെനിക്കിന്നു തിരുത്തി എഴുതണം .
    ഭക്തിയെ കച്ചവടമാക്കി ചുരുക്കുന്നതും
    ഭക്തന്റെ കള്ള മേലങ്കി അണിഞ്ഞു രസിക്കുന്നതും
    സൂക്തങ്ങളിലെ ഏടുകള്‍ മറന്നെന്നു ഭാവിക്കുന്നതും
    തിക്തമായെല്ലാം മാറ്റി കുറിക്കണം.....
    മാറ്റി കുറിക്കണം അവയൊക്കെത്തന്നെ
    ഇന്നെനിക്കീ തൂലികത്തുമ്പില്‍ നിന്നടരുന്ന
    അക്ഷരകണങ്ങളുടെ തീക്ഷ്ണമാംഊര്‍ജ്ജ താണ്ഡവത്തിന്റെ
    വീര്യം നിങ്ങള്‍ തന്‍ സിരകളില്‍ നിറയ്ക്കുവാന്‍

    0 comments:

    Post a Comment