ആഴങ്ങളെ എനിക്ക് പേടിയാണ്
സ്നേഹത്തിന്റെയും
വിശ്വാസത്തിന്റെയും
ഓർമ്മയുടെയും
മറവിയുടെയും
ആഴങ്ങളെ എനിക്ക്
കടലാഴങ്ങളെ പോൽപേടിയാണ്
സ്നേഹത്തിനാഴത്തിലേയ്ക്ക്
മുങ്ങാംകുഴിയിട്ട് ചെന്നാൽ
എത്തിച്ചേരുക പലപ്പോഴും
വെറുപ്പ് കൂനകൂട്ടിയ
ഏതോ അടിത്തട്ടിലാവണം
വിശ്വാസങ്ങളിലെ പ്രതീക്ഷാബലം
കൂടും തോറും
അതിലൊരു നേരിയ ബലക്ഷതം,
പതിപ്പിക്കാനിടയുണ്ട്
അഗാധമായ ആഴങ്ങളിലേയ്ക്ക്
ചിലപ്പോഴൊക്കെ
ഓർമ്മകളിലെ വിങ്ങലുകൾ
മറവിയെ കൊതിക്കുമ്പോൾ
മറവിയിലെ വിള്ളലുകൾ
ഓർമ്മകളെ ആഴങ്ങളിൽ
പോലും മുങ്ങി തപ്പാൻ പ്രേരിപ്പിക്കുന്നു
സ്നേഹത്തിന്നടിത്തട്ടിലെ
വെറുപ്പിൽ നിന്നുള്ള
ഓർമ്മകളുടെ മോചനത്തിനായി
മറവിയിലേയ്ക്കൊരു തുരങ്കം
പണിയാനിനിയെന്താണൊരു പോംവഴി
സ്നേഹത്തിന്റെയും
വിശ്വാസത്തിന്റെയും
ഓർമ്മയുടെയും
മറവിയുടെയും
ആഴങ്ങളെ എനിക്ക്
കടലാഴങ്ങളെ പോൽപേടിയാണ്
സ്നേഹത്തിനാഴത്തിലേയ്ക്ക്
മുങ്ങാംകുഴിയിട്ട് ചെന്നാൽ
എത്തിച്ചേരുക പലപ്പോഴും
വെറുപ്പ് കൂനകൂട്ടിയ
ഏതോ അടിത്തട്ടിലാവണം
വിശ്വാസങ്ങളിലെ പ്രതീക്ഷാബലം
കൂടും തോറും
അതിലൊരു നേരിയ ബലക്ഷതം,
പതിപ്പിക്കാനിടയുണ്ട്
അഗാധമായ ആഴങ്ങളിലേയ്ക്ക്
ചിലപ്പോഴൊക്കെ
ഓർമ്മകളിലെ വിങ്ങലുകൾ
മറവിയെ കൊതിക്കുമ്പോൾ
മറവിയിലെ വിള്ളലുകൾ
ഓർമ്മകളെ ആഴങ്ങളിൽ
പോലും മുങ്ങി തപ്പാൻ പ്രേരിപ്പിക്കുന്നു
സ്നേഹത്തിന്നടിത്തട്ടിലെ
വെറുപ്പിൽ നിന്നുള്ള
ഓർമ്മകളുടെ മോചനത്തിനായി
മറവിയിലേയ്ക്കൊരു തുരങ്കം
പണിയാനിനിയെന്താണൊരു പോംവഴി
0 comments:
Post a Comment